Saturday, October 6, 2007

رحلتي الى موقع كويت25

اليوم طبع من كثر ما انا قاعد بطالي, قلت ادش النت اتعبث يمين شمال
احد الاصدقاء اقترح انه ندش محادثه كتابيه نقزرها شوي
انا هم يمكن اخر مره داش شي جذي بال2003 او ما شابه
قلت يالله فوقه...
قالي ندش موقع كويت25, طبعا انا سامع عنه بس منزمااااااااان جدا مو داش
دشيت ال"شات الكتابي", ما بمعنى "ألمحادثه الكتابيه"...
طبعا حطيت نكي "بنوته عسليه جدا جدا" من الفراغه, عشان يدشون علي ناس واحس اني important شوي...
قعدت اهناك بحوالي 30 دقيقه, يمكن حصلت 50 او اكثر مسج برايفت...وناسه صح؟
وطبعا اقزرت درجه اولى
دشت علي وحده نكها "بويه مريضه", وانا هم ماخذها على جوها واخذ واعطي وياها....
سوالف بو 10 دقايق, بعدها قامت تخورها البنيه "انا حبيتج" و "انتي مبين عليج خوش بنيه" و "اموااااااااه"....
انا اهني تشققت من الوناسه....طبعا بتسألون ليش؟ انا اقولكم ليش....لانه ماكو شغل واكو احد تقزر عليه
خلاصة الكلام, هذا واحد يبي يسكس مو عارف, وحسباله جذي جاك الحركه
المهم
انا قلت بصيده...جان اقوله "حبيبتي عندج ايميل؟" جان يقول "عندي بس المسنجر خربان"....تكفه ماكو اقدم؟ هذي كانت تنقال بال2004
ماعليه....
مني مناك, "ودي اقولج شي بس مستحيه", قلت "قولي حبيبتي عادي اخذي راحتج", جان يرد علي "حدي مشتهيتج...ماقدرت استحمل بوساتج", انا اهني بطيتها ضحك...اولا الناس صايمه, ثانيا ماعندك صاحبه شي؟...تكفه شوفلك صاحبه ولا شي جذي...البنات مقططين بالشوارع :\\\
انا مليت والحجي قام يخورها جان اطلع من "الشات الكتابي"...
قمت افتر بالموقع
طبعا انا لاحظت شغلات غريبه
اولا: الموقع يطول على ما يدش مع انه انا اشتراك WNET! ويخلي المتصفح مالي يعلق
ثانيا: الموقع مصمم على شكل صور اغليبيته...مما يخلي المتصفح يصير بطىء
ثالثا: ممكن انك تدفع مبالغ ماليه عشان تصير "سوبر في الشات الكتابي"....شغل عدل ها؟
سوبر ازرق = 35 دينار
سوبر احمر عادي = 50 دينار
سوبر احمر مخفي = 100 دينار
منو الصيده ولد الصيده....اللي بيدفع 100 دينار عشان يصير مشرف بمحادثه كلها معقده وخرفان وناس رايحه فيها؟ :\\\
وسوبر احمر وسوبر ازرق...شنو هذولي اسامي باكيتات زقاير؟؟؟؟ :\\\
رابعا: مو زين تشوفون صفحة الABOUT مالت الموقع...
اولا فوق كلش حاط "اصحاب الموقع"....وين قاعدين؟ يعني "ادارة الموقع"
والحجي اللي صورته على اليمين...مو ناقص الا يحط مقاس سليبه مره وحده؟

متى هالاشكال صاروا اوادم؟
:\\\\\\\\\\\\\\\\\\\ ماقول الا الله كريم

Thursday, October 4, 2007

قطار بوشهاب الفتاك

ذاك اليوم بينما كنت راجع من المعهد, لمحت سياره واقفه بنص اللفه, وثلاث رياييل قام يتكلمون, قلت اكيد صاير شي, طبعا انا فضولي ما سمحلي انه امر بسرعه, خففت السرعه ومشيت شوي شوي جان المح صديقي بوشهاب!! ولاحظت انه هذي سيارت امه!
نزلت من السياره, ولا اشوف السياره اندعمت صوب الباب الثاني (مو باب السايق) جان اقوله خطاك السو!! عسى ماشر شفيك؟
(في هذه الاثناء الشمس كان تحرقنا, وماكنت متسحر, ودايخ, وراسي يعورني)
رد علي يقولي امي دعمها واحد مطوع و "وقف قالها انا اسف بس مستعيل بروح العمره", لمن قالي هالشي انا بطيتها ضحك
بيروح العمره يدعم وينحاش؟ وين قاعدين :×
المهم, دقينا على ونش يسحب السياره لانه ماكانت التلف, طلع بعدها انه الشيال معوي...
ركب وياي الولد, جان يقعد يتحلطم على المطوع, وشهالبخت ومن هالحجي
وجان مره وحده تخطر على القطار!
بدى يقول "شرايك لو يسوون قطار بالديره؟" انا لازم احبطه ورديت عليه "من كبر الديره محتاجين قطار؟" رد علي "اي بس لو يسوون قطار راح تخف الزحمه" رديت انا "ما راح يركبونه الا الهنود والبنقاليه والوافدين" جاااااااان يعصب ويقولي "شفهمك انتا!!!!!!"
وقعد سااااااااااااااااااكت يفكر بفكرة القطار, يقول انه نقدر نمد قطار من شارع الغوص من مبارك الكبير لين صباح السالم لين مشرف لين بيان لين حولي لين الجابريه لين السالميه لين الشويخ ليـن الدائري الثاني (شارع الحب). وقام يعطيني اماكن يحطون فيها
انا قتله زين ليش ما تسويه بانفاق تحت القاع, جان يقول "لااا كلش ما ينفع! وراح يصير اغلى!"...الحين اللي عنده يسوي قطار ماعنده يسويله حفره؟ :\
انتهى فينا النقاش واحنه على وشك نذبح بعض, كل ما يقول شي, انا اهدم آماله واحبطه واعطيه مليون سبب ليش مايصير...

Wednesday, October 3, 2007

back again

back again,
the whole "personal domain" thing isn't working out.
I just didn't feel like writing anything lol
anyhow I am back to writing here again
:D

 


My blog is worth $1500.99.
How much is your blog worth?